Video
Read full review
2021-04-20
505 views
為食情侶又出動🤗，踩單車去到大圍搵食，諗住試吓呢間良心居酒屋🏮！店舖比較細，只有2張卡位同吧檯，Walk in排隊一個鐘8點入座，安排坐係吧檯位，睇睇餐牌發現唔係行價錢相宜路線，自然對食物有期待啦！食物有好有壞，但服務就欠奉，茶水同醬油碟都要自己問店員拎，咁都預咗自己refill，點知連熱水壺同豉油樽都係空嘅，之後又拎走埋我哋檯嘅熱水壺...🥲明明見到店員有時間坐係旁邊用手機，有時店面又無店員（好似行咗去隔離單位，唔知係咪另一個店位），有求助無援嘅感覺。而且店員對餐單份量同當日供應都唔太熟悉，上菜係兩個人中間/靠牆位置上，如果係側邊上菜會安全啲，差啲以為唔收加一服務費...今次用餐體驗真係唔太良好🥺⋯雖然取態值得支持，但食物同服務都應該要成正比————————————————👅風流蟹皇丼（$128）👍🏻全晚MVP，唯一會想再食嘅餐點😬~蟹膏份量對得住價錢，入口係沙沙地嘅質感，因為全部都係蟹膏，食到最後都幾膩，兩個人share試吓都okay!!上面插住半隻肉蟹幾霸氣🦀，蟹肉都幾多又有蟹肉清甜味，因為冇拆蟹工具同手套提供，要麻煩店員拎入廚房幫手拆散蟹鉗👅角切海鮮飯（$98）👎🏻份量比預計中
食物有好有壞，但服務就欠奉，茶水同醬油碟都要自己問店員拎，咁都預咗自己refill，點知連熱水壺同豉油樽都係空嘅，之後又拎走埋我哋檯嘅熱水壺...🥲明明見到店員有時間坐係旁邊用手機，有時店面又無店員（好似行咗去隔離單位，唔知係咪另一個店位），有求助無援嘅感覺。而且店員對餐單份量同當日供應都唔太熟悉，上菜係兩個人中間/靠牆位置上，如果係側邊上菜會安全啲，差啲以為唔收加一服務費...
今次用餐體驗真係唔太良好🥺⋯雖然取態值得支持，但食物同服務都應該要成正比
————————————————
👅風流蟹皇丼（$128）
👍🏻全晚MVP，唯一會想再食嘅餐點😬~蟹膏份量對得住價錢，入口係沙沙地嘅質感，因為全部都係蟹膏，食到最後都幾膩，兩個人share試吓都okay!!上面插住半隻肉蟹幾霸氣🦀，蟹肉都幾多又有蟹肉清甜味，因為冇拆蟹工具同手套提供，要麻煩店員拎入廚房幫手拆散蟹鉗
👅角切海鮮飯（$98）
👎🏻份量比預計中細，碗係一隻女仔手大小，都唔緊要啦，點知海膽食到苦味😂，連淨係識分好食同唔好食嘅男朋友都覺得唔掂，玉子青瓜份量同刺身一比一，好彩其他刺身味道正常
👅明太子玉子燒（$48）
🔸甜口玉子燒OK嘅，屬於偏乾身有口感嗰種，可能係肚餓食嘅嘢特別好味啦🤓明太子味唔算好出，睇得出明太子粒粒都比較少，所以味道主要係沙律醬味
👅活燒日本宮崎生蠔（$68）
🔸一份有兩隻，蠔肉燒得偏乾身🦪好肉蠔豉咗濃縮咗蠔味，味道唔算有驚喜，但就明顯一隻大一隻細
————————————————
🚩總結：可一⋯不可再吧？😶
————————————————
🌟注意：全自費真實食評
————————————————
📍 風流居酒屋
地址：大圍大圍村第3街32號地舖
.
🗺地區：#bem大圍
📥分類：#bem日本菜 #bem黃店日常
💰人均消費：#bem_101至200蚊
Post
