宗像屋 (Closed)

六點半鐘到場，幸運地等咗一陣就入得，十分鐘之隔，後面就排咗五六組人，夏天係出面條大馬路排隊真係好考鬥志。-叫咗個「松」丼，有十種海鮮。事實上所有魚撈埋一齊嚟食係食唔出有咩味道，莫講話係鮮味。不過後期加湯食用出奇地好食，個湯加埋啲魚變到好清甜，而且解油膩，建議留多少少飯浸湯食。-只可惜二百蚊一個丼實在太貴，呢個價八成比咗佢嘅名氣同可以影相呃like，尤其知道佢同混亂拉麵係同一集團仲扣咗分，因為混亂拉麵完全唔好食，嚟一次當試新嘢可以，但無因為想食海鮮丼而一定要再嚟嘅意欲。