麵道 (Closed)

其實每次經過呢間拉麵舖都想入去試，但每次都因為趕時間攪到未有機會，上星期做完針灸之後終於有時間幫襯😊石門站一出就會見到，所以正常好多人都會經過，外面望其實舖吾大，夜晚去食通常都要排隊，好彩我今次針灸完吾太晏，去到排左幾分鐘就入得，喺完全冇諗過食乜，冇上openrice睇評語介紹，膽粗粗叫左個特盛海老豚骨湯拉麵同埋餃子，因為第一次食呢間，所以麵質揀左適中，湯底揀左中味，心諗應該都安全呱😅拉麵黎到望落感覺好油，但賣相幾好，試左啖湯，個湯好濃，好重豬骨味，仲有啲鮮味，好足料嘅湯底，飲落反而吾覺油，好香好好飲🤤🤤麵系幼麵，好吸湯，但又吾會太淋，啱啱好😋😋😋豚肉叉燒，脂肪比例啱啱好，每塊吾太厚，又吾會薄到大風啲都吹走嗰隻，入口即溶，正😍😍😍麵裡面仲有2粒好似雲吞嘅野，不過放入口有陣酸味，其實我有諗過會吾會系變壞左😂仲有隻流心旦，因為我吾食所以吾知好吾好味，配菜仲有啲木耳，紫菜嗰啲，整體黎講碗麵系好好味，如果冇左嗰2粒野會仲好🤣🤣🤣小食叫左餃子，煎餃子好香口，但又吾會燶左，咬落去皮好薄，裡面嚿肉多汁，就咁食已經好正😋😋😋我食完個麵同餃子，但支茶仲未到，比我感覺如果我吾問，其實佢哋會吾會吾比我🤨裡面