焰拉麵 (Closed)

星期六下午兩時多終於來到吃焰拉麵，完全不用等位。本身我好鍾意豚骨湯底，同埋九州最出名是豬骨湯底拉麵，所以好掙扎到底到焰定極黑焰。最終點了極黑焰。極黑焰：湯底 - 一上檯的時候係有好香的蒜味，之後就無了。比我想像中淡味，不太夠鹹⋯⋯ 我覺得是沒有味精，因為食完成碗完全不渴！麵 - 一向食拉麵個人不喜歡幼身拉麵，這裡做用的就是幼拉麵麵條不夠粗身，麵上掛湯有點難度，有點失望。我要硬的麵質，做到剛好叉燒- 有兩塊，但真係有點硬⋯⋯ not good 配菜- 好奇怪，碗麵入麵有椰菜同埋一條小粟米，第一次見及好奇怪。雖然日本餐入麵，椰菜好常見，但是我覺得不應放在拉麵裡。一啖拉麵又一口椰菜，又鹹又甜，好奇怪⋯⋯整體都大碗，但係唔係好味到嘩一聲。男友食焰，佢話極黑焰個湯底好點。另外，小吃$12一碟，點了墨魚咀同煎雞扒⋯，啲墨魚咀覺得好細粒，雞扒煎得香口，皮脆肉嫩！