蠔站 (黃金廣場) (Closed)

今日嚟到銅鑼灣試一下呢間西餐廳。呢間餐廳唔同日子有唔同嘅優惠，今次叫咗半打$10生蠔同埋兩個意粉同朋友分享。半打法國生蠔(Fine de Claire) - HKD 60 (10@) - 都幾大隻，提供檸檬同埋蕃茄醬配搭，一開始咩都唔放覺得唔係好新鮮，我建議放一啲檸檬同埋蕃茄醬會好啲。黃金軟殼蟹天使麵 HKD 158 - 賣相唔錯，打卡之選! 先食炸黃金軟殼蟹，都幾香脆，有一啲鹹蛋黃嘅味道，天使麵充滿鹹蛋黃嘅油香，我覺得呢個遠勝生蠔！推介之選。冬陰功海鮮扁意粉 HKD 158 - 一開始覺得好鹹，同侍應講咗佢都即刻唔好意思再煮番一碟俾我哋，服務幾好。偏甜嘅冬陰功有一d辣，都幾惹味，意粉有咬口唔錯。傳統英式茶 HKD 48 - 茶杯同埋茶壺好有英式下午茶嘅感覺。