大滿足 (Closed)

週末同男朋友去葵廣掃街，小妹我大鄉里出城，見人地去親葵廣都會去食手卷，所以又要跟風去試下係咪真係咁正先！因「海膽手卷」而風靡一時嘅「大滿足」 ，除左手卷外，仲供應多款壽司、刺身、炸物和小食，手卷種類超過30款之多，最平$13就有交易，係幾平嘅，大件夾抵食，難怪吸引到咁多食客幫襯。火炙芝士鮮帶子手卷（$23）手卷即叫即造，紫菜微脆，帶子有兩三件，份量都算合理，面頭加左塊芝士，用火槍燒至半溶，仲有蟹籽嘅點綴，雖然味道未有太大嘅驚喜，只係不過不失嘅「港式日本食品」，但用料都叫做新鮮嘅，可以一試！