Chalet (Closed)

同朋友係荃灣行完街，就走圍搵野食，行經Chalet，門口放左架單車同郵筒，單車上有menu睇，睇下都覺得唔錯，就入左去食啦原來間餐廳好大，分左幾部分，侍應帶我地坐左張高枱，高枱望入去係另一部分，入面啲吊燈都幾特別我地坐呢個位後面塊牆係用磚一舊舊切既，牆身上仲有啲樹葉掛飾，幾特別叫左個set dinner，個湯幾好飲喎！入面有蟹肉粒，幾鮮甜，塊餅好脆，又香Appetizer係香煎帶子配紅花汁帶子煎得香口，肉質鮮甜，配埋紅花汁更能夠突出鮮味主菜揀左最貴既美國Prime西冷牛扒焗甜薯（8oz)（$298）牛扒叫左七成熟，因為朋友唔係好食得生 牛扒肉質鮮嫩，肉汁都唔少，配埋個汁，味道剛好份量剛好，不會覺得太飽平時食西餐配既薯菜都係薯仔黎，但呢個餐廳好創新，用左紫薯做配菜打開紫薯，紫薯蓉幾香口，唔會好淋，面頭仲有啲芝士味既cream，幾特別另一個主菜散叫左個「北海道蟹肉意大利飯」（$198）意大利飯飯身軟硬適中，蟹肉粒都有唔少，味道都幾鮮甜，同個意大利飯好夾，個飯上面一條條食唔出係咩，但似炸過黎，好脆口野飲邊面揀左杯熱朱古力（$38），朱古力偏甜，但個人比較鐘意淡口啲Set dinner有甜品送