Video
Read full review
2022-07-29
147 views
今日去開科學園到做嘢，做完嘢就同朋友一齊去食飯，咁其實因為朋友幫咗我好多（所以我就揀咗呢一間餐廳，咁其實呢間餐廳自己喺科學園做嘢嗰時都想試，今次有機會試一試，入到去入面比我想像中更加寬敞，而且幾有意大利式嘅情懷， 而且入面有個小playground，都見到有啲小朋友喺嗰度玩耍 ，Anyway大家睇下我叫咗啲乜嘢:有機堅果及乾果意式田園沙律配牛油果: 呢個沙律我覺得酸酸味味，而且啲菜都幾新鮮，咁呢個餐前小食我都幾鍾意，可以清下腸胃。意式燒走地雞半隻配有機時令蔬菜及串茄: 咁呢個走地雞，我覺得個雞都幾滑，而且外面雞皮有啲鹽焗嘅感覺，對!就是似鹽焗雞，啲雞肉我覺得嫩滑及幾好食，而且佢個碟度啲配菜，我得都幾好食，尤其是D蕃茄仔，因為個蕃茄仔幾鮮甜所以我都幾鍾意食呢個走地雞。海鮮意大利麵(蕃茄汁）:講起啲海鮮先， 啲海鮮其實我食落都幾爽口，同埋都算係幾新鮮， 最緊要係煮到啱啱好唔會過火、令到啲青口或者魷魚太"UN"， 個意大利麵其實都幾好食， 因為佢落咗好有蕃茄味，所以食起上嚟個醬汁同埋啲料夾得都幾好。 而且我好鍾意食蕃茄汁、因為好有益。Homemade tiramisu classic :最後
有機堅果及乾果意式田園沙律配牛油果: 呢個沙律我覺得酸酸味味，而且啲菜都幾新鮮，咁呢個餐前小食我都幾鍾意，可以清下腸胃。
意式燒走地雞半隻配有機時令蔬菜及串茄: 咁呢個走地雞，我覺得個雞都幾滑，而且外面雞皮有啲鹽焗嘅感覺，對!就是似鹽焗雞，啲雞肉我覺得嫩滑及幾好食，而且佢個碟度啲配菜，我得都幾好食，尤其是D蕃茄仔，因為個蕃茄仔幾鮮甜所以我都幾鍾意食呢個走地雞。
海鮮意大利麵(蕃茄汁）:講起啲海鮮先， 啲海鮮其實我食落都幾爽口，同埋都算係幾新鮮， 最緊要係煮到啱啱好唔會過火、令到啲青口或者魷魚太"UN"， 個意大利麵其實都幾好食， 因為佢落咗好有蕃茄味，所以食起上嚟個醬汁同埋啲料夾得都幾好。 而且我好鍾意食蕃茄汁、因為好有益。
Homemade tiramisu classic :最後呢個甜品我覺得比較特別，因為外型整得幾靚而且唔太甜，有別於一般嘅terimisu，因為出面餐廳以外食嘅tiramisu都會偏甜，不過呢一間就例外，可能呢一間餐廳嘅terimisu會比較正宗啲，雖然我都唔知咩叫正宗，但係鍾意食cake嘅朋友，呢個應該都唔錯。
最後飲埋杯 Coffee affogato ice cream & latte 就閃人，咁其實杯飲品我覺得都幾好飲，再加埋頭先食嗰個cake 感覺很好， 如果大家有空閒嘅時間，可以試下呢間科學園嘅餐廳，因為自己覺得啲嘢食都ok。
Post
