29
17
3
Level1
3
0
可以一試的聚腳點
2009-01-12 9 views
昨天晚上一行三人走去萬發打邊爐, 8點半到達門口已經見到10幾個人排隊, 心諗咁多人係咪真係咁掂先, 終於等咗半個鐘有多先等到張要搭枱的大枱, 係樓上環境都唔係差, 樓底高, 抽風系統良好, 光猛的燈光, 有電視睇, 地方乾淨.環顧四周, 大多數都係一班後生仔女又或者一家大細客人居多, 而且員工上下都用免提做內部通訊, 所以維持啲食客埋單入枱秩序都算井井有條.一坐底就叫咗個番茄豬骨湯底, 佢地都好快手, 個底好快就送上, 我覺得佢地個湯底最特別係有好多骨頭係入面, 夠晒份量. 跟住我地叫咗雪花肥牛, 魚皮餃, 大魚頭, 豆腐, 竹笙, 西洋菜呢啲生料, 又叫咗雞軟骨同小炒王兩味餸. 基本上我認為佢地呢啲每樣料族樣計錢方式的打邊爐舖頭黎講, 其實係無甚特別的, 無話有邊種特別賣點的特式菜做綽頭, 不過如果純以食得開心又放心黎講, 都覺得呢度都可以介紹朋友黎o既.
Read full review
昨天晚上一行三人走去萬發打邊爐, 8點半到達門口已經見到10幾個人排隊, 心諗咁多人係咪真係咁掂先, 終於等咗半個鐘有多先等到張要搭枱的大枱, 係樓上環境都唔係差, 樓底高, 抽風系統良好, 光猛的燈光, 有電視睇, 地方乾淨.

環顧四周, 大多數都係一班後生仔女又或者一家大細客人居多, 而且員工上下都用免提做內部通訊, 所以維持啲食客埋單入枱秩序都算井井有條.

一坐底就叫咗個番茄豬骨湯底, 佢地都好快手, 個底好快就送上, 我覺得佢地個湯底最特別係有好多骨頭係入面, 夠晒份量. 跟住我地叫咗雪花肥牛, 魚皮餃, 大魚頭, 豆腐, 竹笙, 西洋菜呢啲生料, 又叫咗雞軟骨同小炒王兩味餸.

基本上我認為佢地呢啲每樣料族樣計錢方式的打邊爐舖頭黎講, 其實係無甚特別的, 無話有邊種特別賣點的特式菜做綽頭, 不過如果純以食得開心又放心黎講, 都覺得呢度都可以介紹朋友黎o既.
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Spending Per Head
$120 (Dinner)