飲茶 (朗豪坊) (Closed)

"飲茶” 已經係朗豪坊開埋分店，有時去旺角都唔知食咩好，太多選擇花多眼亂，去到foodcourt果邊見到”飲茶”不坊行去試下。呢間餐廳可以影相呃下like之餘，點心同食物都做得幾好，幾個朋友去食價錢都幾合理，又食到好野。坐底既時候會問你飲咩茶，佢地有紅茶、白茶仲有另一款唔記得係咩，我地簡左菊花茶，鐘意佢味道清新。餐廳環境不錯，有唔少繪畫塗鴉係牆上，將飲茶依件事年輕化左，而且都坐得幾舒服。食物方面，推介大家食小食拼盤，可以簡2款小食加1款例牌，價錢都係$109，價錢中等之餘又試到3款食物。例牌大多數係雞，有口水雞、沙薑雞等等，好似仲有豬手簡。因為同朋友都人多，所以一次叫左2個小食併盤。小食併盤 $109 2款小吃 加1款例牌小食方面，叫左橙棍冬瓜、皮蛋豆腐、呷醋木耳同川醬皮蛋。唔建議食橙棍冬瓜，個賣相係幾靚既，橙既味道都好清新，但唔知點解食落有小小苦既味道，覺得怪怪地，估計有機會係製作食物時橙皮既問題。呷醋木耳就不過不失，酸酸甜甜，同平時食既水準差不多。川醬皮蛋既味道相對濃烈，好夠味道但又唔會過辣，而且枝蛋個蛋心熟既程度岩岩好。另外皮蛋豆腐既皮蛋份量略嫌太少，仲要好碎好碎，豆腐併埋麻醬味