蟹麵膳 (Closed)

之前見到有人介紹 這間新開的店舖，又係公司附近，所以走了去試試。 店舖在商場內，地方唔算大地方都算潔淨，而且都可以坐 十零廿人，店員服務都好nice ，老闆易都會問下客人的意見，都好互動。 我同同事，每人點了個 下午茶，諗住好抵食，廿幾三十蚊，但嚟到的食物，又真是幾下午茶，因為份量比較少，純粹係未到晚飯，又想食少少野咁就可以。所以都後加了個“ 牛肉餅”。 蟹肉雲吞麵：可選 米線or 其他麵類，我點的是 “ 菠菜麵” 沒什麼味道及特別，雲吞 裏面都有少許 蟹肉 及 蝦肉，同普通雲吞差唔多，有少許鮮味，都可以接受。 蟹肉碗仔翅 : 味道幾特別，面頭會有少許蟹肉，有些鮮味，但其他材料唔算多，木耳都爽口。 即炸三寶 ： 即叫即炸，算唔錯，魚肉易都有些口感。 牛肉餅： 最初以為真是一件煎餅之類，但原來係湯餅，係咁多樣當中比較好的，牛肉比較爽口有彈性，似牛丸感覺。 甘草薏米水 ： 味道清淡，但尚可接受，易唔覺有味精。 P.S ：老闆話晚上會搞 私房菜，所以整緊 “ 讓蟹蓋 ”，仲分左隻比大家試食，味道比較清，都好 creamy ，洋蔥都夠味夠淋。