蘇浙滙 (太古城中心)

Open Now

Now Closed

同事生日飯，一行7人唔想飲茶但想食中餐，蘇浙匯係唔錯既選擇。一班同事食飯，無逐一影啲餸。先黎前菜，雞絲粉皮，撈咸雞，素雞，燻蛋。份量唔多，全部都唔錯。再來湯，全部人都揀左南北杏燉豬展。非常熱，似剛滾起，幾清甜，讚！7個主菜，較有印象覺得好味係螞蟻上樹同賽螃蟹。其他好普通，同埋大家都覺得愈來愈細碟！有啲餸之前係好味的，但最近兩次食都麻麻，例如糖醋魚片，魚愈來愈細，粉愈來愈厚⋯⋯甜品我揀左湯丸，芝麻餡的，OK。食物質素整體OK，係主菜有啲失望，一次比一次差。百幾蚊有湯，前菜，主菜同甜品係幾抵食的。地方寬敞，坐得舒服，唔full，搵唔到位食飯可以來試試。