錦麗 (創紀之城五期(apm))

Open Now

Now Closed

不經不覺，越南牛肉粉老店「錦麗」都已經過江接近一年。湯頭幾香牛味，再落九層塔、鵝蒂、青檸汁，非常清爽。要注意係河粉上碟時係黏埋一餅，唔係未煮開，只係等大家食時先拉鬆佢，唔怕浸得太淋，幾細心。牛肉方面，個人比較鐘意生牛肉片。熟牛有少少un，而牛丸我覺得好似振興貨色，所以我寧願去振興買返屋企煮…所以相比綜合粉，我以後會選擇叫生牛河。牛油雞翼雖然賣相一般，但幾抵食，算皮脆肉嫩，牛油味同蒜味好香。小米糕係香港獨家小食，其實係粘米糕，上面淋左魚露、肉鬆、蔥花、花生碎。稍嫌魚露多左，整體上安南比較好味（但貴一倍）。