牛八和牛燒肉屋 (Closed)

今日父親節，阿女提議去食烤肉，屋企樓下間日式烤肉店都開咗一段時間，佢嘅午市套餐看來都不錯，價錢唔算貴。我們點了三個午餐，兩個烤肉，一個石鍋飯，每個餐都包牛尾清湯、三樣前菜及飲品。牛尾清湯有胡椒味，清清哋都唔錯。前菜有泡菜、芽菜及醃蘿蔔，各有特色。老公叫咗個桂魚石鍋飯，熱辣辣香噴噴，有少少飯焦，非常香口。牛舌有六件，薄切大大件，建議不要烤太耐，否則會好韌。牛肋肉&肩脊肉，各有幾件，份量一般，牛肉味都唔錯。另外散叫咗幾個肉：豬腩片，燒完縮晒水，變得好細件，都美味。雞腿肉(柚子生薑)，這個份量較合理，雞塊算大件，雞肉夠滑，好香柚子味。厚切豬腩肉，有三大件，烤香真係好好味。大家都揀咗凍柚子蜜，可以一解熱氣。唔大食嘅朋友嚟試午市套餐都不錯，平日一至五追加肉類平好多。