Video
Read full review
2019-02-18
124 views
今日同老婆結婚紀念，梗係要帶佢食好嘢！千揀萬揀終於比我揀到一間，又可以正整地又好味又抵食嘅廚師發板！老婆好鍾意！推介！老闆就係呢度嘅大廚，話明食廚師發板，呢度嘅日本老闆都會係揀當日最新鮮嘅食材俾我哋食，亦都係即是先知道食乜嘢！己有神秘感有新鮮！佢都有兩個餐選擇，一個係大約千$2，我夠揀咗最貴嘅千$5一位嘅！結婚周年紀念梗係要食好啲啦!前菜：八爪魚仔，漿料師傅自己親自炮製，好味茶蒸碗：好滑好香蛋味！呢個好推介！之後就會嚟六款刺身，每份刺身都有兩塊，厚切，直情係非常新鮮！安康魚肝：平時好少會叫嚟食，估唔到咁好味，好香，一啲都唔鯹，食完仲想食好開胃嘅感覺！春魚：有少少魚味，肉質好爽，清甜深海池魚：師傅話今朝由東京直送到，魚味的確係濃的一點，非常鮮甜赤魚吞拿：好有心思地加咗啲金箔上去，當堂勁貴左，這個味道更加突出！池魚：這個都係有金箔在面，雖然冇味，但係好靚，魚味亦都非常新鮮鮮甜北海道牡丹蝦：成隻手掌咁大隻，睇住佢即劏，真係睇見都想食，非常非常之新鮮，好甜好爽，呢個又係好正！之後就會食六款壽司！壽司飯口感同份量都不錯，屬於好正宗嘅一種！螄魚：呢種魚我又係好少食，魚味都比較重櫻花鯛魚加魚肝：呢個
老闆就係呢度嘅大廚，話明食廚師發板，呢度嘅日本老闆都會係揀當日最新鮮嘅食材俾我哋食，亦都係即是先知道食乜嘢！己有神秘感有新鮮！
佢都有兩個餐選擇，一個係大約千$2，我夠揀咗最貴嘅千$5一位嘅！結婚周年紀念梗係要食好啲啦!
前菜：八爪魚仔，漿料師傅自己親自炮製，好味
茶蒸碗：好滑好香蛋味！呢個好推介！
之後就會嚟六款刺身，每份刺身都有兩塊，厚切，直情係非常新鮮！
安康魚肝：平時好少會叫嚟食，估唔到咁好味，好香，一啲都唔鯹，食完仲想食好開胃嘅感覺！
春魚：有少少魚味，肉質好爽，清甜
深海池魚：師傅話今朝由東京直送到，魚味的確係濃的一點，非常鮮甜
赤魚吞拿：好有心思地加咗啲金箔上去，當堂勁貴左，這個味道更加突出！
池魚：這個都係有金箔在面，雖然冇味，但係好靚，魚味亦都非常新鮮鮮甜
北海道牡丹蝦：成隻手掌咁大隻，睇住佢即劏，真係睇見都想食，非常非常之新鮮，好甜好爽，呢個又係好正！
之後就會食六款壽司！壽司飯口感同份量都不錯，屬於好正宗嘅一種！
螄魚：呢種魚我又係好少食，魚味都比較重
櫻花鯛魚加魚肝：呢個直情之前都冇食過，師傅話唔係好多地方有得食，亦都一啲都唔平，咁啱我哋今日就可以食到好好彩！不過真係咁多條魚裏面最好味嘅一種！
深海池魚腩：腩位的確比之前食嘅刺身更加好味，脂肪比例均勻，魚味更加濃
廣島蠔：平時食呢個都係炸嘢多，咁樣食壽司真係第一次，配埋有醋味嘅飯，蠔味更加突出，好難形容果種鮮味，真係比新鮮嘅生蠔更加鮮甜！
赤貝：食赤背最驚雪藏未腥味太重，當然呢度一啲都唔會啦！仲係好爽添
吞拿魚：食完咁多隻魚食返吞拿魚，真係覺得白肉魚非常之好食，不過當然吞拿魚亦都不錯
海膽杯：一上菜真係華華聲，又靚有豐富，仲要見到咁多海膽，好食到震！非常滿足
手卷：師傅會叫我地伸出手喺我哋手裏邊捲起手卷，仲要一啖食落去，好專業地教我地點樣去食，果然有廚師嘅執着同心思
最後上嘅就係湯同埋甜品！
湯用蝦同魚煲出嚟，吸收晒所有嘅精華，好濃好香！
最後嘅甜品亦都唔失禮，豆腐雪糕！
整體呢一餐真係覺得物超所值，可以食到日本廚師嘅執着同心思，可以食到佢帶比我哋嘅鮮味，我同老婆都超級滿意
Post
