鮨見 (Closed)

相就真係無影喇，個所謂師傅大6佬嚟既突然識講廣東話一陣又扮失憶你認認真真做生意邊度人都無所謂，不過算啦符合國情好喇，前菜係超市買到普通到不得了既蟹柳凍食，下？お任せ喎而家，近成千蚊位你比呢d我？到刺身，燒乜9？乜都燒，又整超多汁落去，刺身唔係食原味架咩？最重要係後面食嗰堆壽司舊舊食落口感同味都好相近，咁既質素可能普通日式鋪ok既，發板比咁野，勁個湯腥到不得了，以為鹹味可以遮到陣味，你有無天真咗d衛生方面，食材係隨手放枱，係時間搵食環啦好彩有人請，咪我真係即場尸小

本身和幾位朋友打算聚一聚, 有朋友看呢間店評價不錯, 訂座又有折扣, 就不如試下, 估唔到係惡夢嘅開始, 埋單仲要每人盛惠950蚊首先坐低, 師傅放低一碟前菜, 係味付八爪魚+豆腐, 冇乜問題刺身部分, 全部魚都好霉, 海膽腥, 鮟康魚肝更加係非常差, 肉質好似雞胸咁乾, 完全唔幼滑壽司方面, 醋飯嘅味道真係好奇怪, 有一陣叔味, 師傅握工亦都奇差, 可參考圖片, 舍利直頭凹咗。最後一件生蠔壽司, 直頭係腥到即係吐返出黎最後不得不提師父嘅衛生意識真係好差, 鋅盤入面有一盤污水, 係用來盛載準備洗嘅器具, 啲水十分混濁, 估唔到師傅將手浸落呢盤水弄濕雙手之後, 直接製作壽司, 真係非常嘔心

滿心期待食美味嘅魚生，是小型既日式店，圍住bar枱有6張椅。第一道前菜～辣味螺肉沙律加咗麻醬，味道正常第二道x肝刺身~本身唔特別好，所以唔識分個味道第三道壽司～咬落去冇一舊感覺新鮮，嚿嚿差唔多味，完全唔好食第四道蠔刺身～真係唔明點解佢要放喺隻手度，扮晒特別！只係感覺好污糟同埋好腥，咬落口唔算唔新鮮，真心嬲第五道海膽杯～嘩！呢個簡直係離晒譜，我都唔明點解海膽可以難食，尤其對住我呢啲海膽控，都唔想放入口。失望第六道蒸蛋～正常發揮！總結佢所有刺身生食嘅嘢全部都好難食，單純可能係疫情問題導致到貨源不足或訂貨困難，但係你收呢個價錢，真係一啲都唔值。午餐一個餐收人$700多，真心好失望！而且仲要係週年紀念，簡直刷新了原來如此魚生可以咁難食。

📍鮨見 Sushi Mi______食絕對是最佳消除壓力方法之一，但品嚐鮨見後使我壓力大增。。。有質素的海膽令人心情愉快，那麼加上新鮮甜蝦，配上日本米飯，來個錦上添花， 但不是這裡！ 題外話，師傅的衛生程度需要強力改善才能吸引更多客人吧，第一次看到貴價壽司店的毛巾居然會是黃黑色，震撼而且受驚。。。。。。可一更要可再，才是上策。** 絕不回頭 絕不回頭 絕不回頭 ** ───Lunch Omaskase $699───

今日同女朋友過來食omakase，提前幾日book左。舖頭感覺好有日本feel, 音樂都係日本舊曲，好似左日本咁嘅款。日式必有的前菜，係青瓜 新鮮蝦同海帶，酸酸甜甜確實好開胃。茶碗蒸都必不可少，入面有菇有海鮮，d蛋好嫩滑。跟住就係刺身料理，秋刀魚係成條咁上，魚肉切得好厚，搭配特定醬料，非一般味道。蟹柳整成花咁嘅款，幾好睇。番茄仔入面有拖羅蓉，搭配好新穎。壽司都好正！最正係大拖羅包裹住海膽，一口一啖超級美味。師傅將生蠔壽司擺到我手中，好特別的食法，會有少少手心的餘溫。海膽杯真係冇得輸，入面係飯，搭配海膽一齊食，正!..甜品好味。

有日夜晚想食好d，揀左呢間位於尖沙咀的壽司店。環境好有日式感覺，師傅好親切，會介紹下d魚類，食法等等。講野參雜著英文，普通話，廣東話，日文。.Omakase <$1899>.🌸前菜鮮蝦 青瓜 搭配芝麻醬味道酸酸甜甜。.🌸茶碗蒸永遠的最愛都係茶碗蒸～.🌸刺身七點大拖羅 海膽 鮑魚 深海池魚 安康魚肝 秋刀魚🌸壽司五貫鰤魚 金目鯛 帶子 吞拿魚 左口魚 生蠔.🌸海膽杯滿滿當當的海膽～.🌸吸物及甜品湯超級好味，據聞煲左好耐。魚味好突出～. 甜品系日本蜜瓜，好甜好正。

無論食物質素定態度都超差，一入餐廳已經有陣魚腥味，同妹妹補祝生日飯，見佢有8折又趕住要訂餐廳，超惡劣既體驗：1: 入去已經一陣腥臭味2: 啲食物速度勁快，一個鐘已經要食晒，冇得坐Sushi Bar 不特止，俾咗間勁舊嘅房我哋3:啲擺碟好核突，同埋啲器皿好舊4: 700幾人頭一個lunch , 啲魚冇彈性，同腥既最後超唔愉快，因為我臨走埋單，問咗句乜唔係訂座係咪有八折，個阿姐即刻發顛，話無呢啲架喎，我哋不嬲都冇呢啲你幾時訂位？我話琴日訂，佢話琴日訂今日點會有。我費事同佢坳，埋單算，但係不再。

呢排想食廚師發板，就隨心揀咗一間，呢間位於尖沙咀嘅日本料理係上樓舖，細細間。坐低揀咗$888見餐。前菜付、茶碗蒸、刺身四點、壽司七貫、海膽杯、吸物、甜品。前菜芝麻醬撈八爪魚及蝦，蒸蛋有菇等。有安康魚肝，肝味幾突出。鰤魚面上有魚子，大大粒。仲有金箔及黑松露，賣相唔錯。壽司每一件都肥肥厚厚，非常有口感。海膽杯好多海膽，仲有三文魚子及甜蝦，甜蝦幾鮮甜。最後有鮮魚湯給豆腐雪糕。鮮魚湯好熱有豐富嘅魚味。豆腐雪糕滿滿的一球，超級大。

呢間日式小店裝修木系風家庭式，大約有10個座位。入到去女店員都幾親切，師傅就較有霸氣。午市揀咗春$688: 前菜、茶碗蒸、刺身三點、壽司八貫、湯、甜品。師傅會逐一介紹每道菜，佢主要講英文，會夾集少量日文、國語、廣東話。前菜係蝦、八爪魚🐙、再加啲麻醬，幾特別。之後有蒸蛋，好夠熱。刺身拖羅好厚身。另外番茄🍅入面有吞拿魚蓉、創新有fusion feel。魚生包住蝦，面上有黑松露。壽司：依佐木 、獅魚、金目鯛、鯖魚、左口魚，藍鮨吞拿魚、蠔、吞拿魚下面有帶子。壽司每件都另有醬喺上面調味，提升味蕾。最特別係蠔，師傅突然叫我用濕紙巾抹下手，再伸出嚟，原來放件蠔壽司喺我手上。第一次呢個食法～ 之後湯，師傅話用上個半鐘以上煲嘅魚湯。甜品以豆腐雪糕作結。

舖頭服務態度好好﹐師傅亦都同我哋傾下偈有唔小互動。而且舖頭環境闊落﹐成個感覺係舒服同溫馨嘅！最重要緊係講嘢食啦！成個 course 其實都有幾多嘢食﹐滿足晒我既想食刺身又想食壽司兩個願望🤪淨係刺身已經有唔少驚喜！哩個係我個人最鍾意:炙燒過嘅大拖羅包住北海道馬糞海膽﹐底下仲有中拖羅﹐一口食曬簡直係大滿足！仲有唔少得意嘅菜式﹐例如哩個係日本番茄包住拖羅﹐番茄嘅清甜同拖羅嘅肥美油脂係絕配！壽司又係無得頂﹐師傅手勢好有架勢﹐用料又高質！直接俾啲靚相大家睇啦 🥴最驚喜係哩個海膽杯！啲海膽舖到成坐山咁高﹐仲加埋大量魚子(俾海膽遮晒🤣)﹐隻蝦又俾到鮮甜 crunchy 啲嘅口感﹐超靚 🤩最後嘅甜品同湯😋舖頭做緊全單 88 折﹐絕對係物超所值﹐你哋仲唔快啲嚟試下🤤

事緣前幾日有個friend話想同我一齊去試吓食呢間omakase，話個質素都唔錯喎，於是我就跟咗佢去啦去到嘅時候發覺佢個裝橫好日本風，似去咗日本旅行咁，亦都因為只係招待幾個人啊佢嘅款待，令我哋坐得好舒服至於食物質素方面亦都交出左唔錯嘅表現同埋亦都有好多唔同嘅種類，刺身例如有深海刺魚丶白子，其中有一個係大拖羅入邊包住啲北海道馬糞海膽同埋中拖羅個口感好特別。我哋都食咗好多唔同類型嘅壽司例如鯛魚壽司丶獅魚丶池魚丶深海刺魚丶鯖魚丶左口魚丶藍鮨吞拿丶拖羅等等。師傅更加為我同我朋友嘅口味分配左唔同嘅壽司俾我哋食，譬如我就食咗一件用帆立貝配埋左口魚既壽司，是我朋友就食咗一碗全部都係海膽嘅海膽飯，好滿足啊！最後師傅咪我去送上左一碗好濃味嘅魚骨湯同豆腐雪糕，而家傳單仲有八八折添

今日我和老婆book咗尖沙咀食omakase，成日都想試吓，今日去咗試間上舖的omakase，門面到舖入面都用日式木系風格做舖設，座位並不多，需要提前預約，入到店舖空間感十足，地方寛倘，乾淨整潔首先一開始就有個前菜同茶蒸蛋，前菜酸酸甜甜，有青瓜，八爪魚仔同海帶幾開胃，而茶碗蒸啲蛋好滑溜，有菇同乾元貝等，又滑又嫩主菜跟住一道道送上，帶子炙燒左口魚壽司，原來兩種新鮮食材一齊食好美味，一炙燒左口魚裙邊魚油溢出，微蕉的表面，當一放入口，不得了，炙燒的香味，魚油的甘香，加上帶子的鮮甜，幾種口感在口腔來久久不散，令人十分回味安康魚肝，一食入口質感幼滑有種獨有的甘香，有一種入口即容的感覺廣島蠔大大隻，蠔身飽滿，咬開蠔味甘香，而且有啲唔夠喉鮑魚十分好味，一食入口濃濃的鮑魚味，口感嫩嫩的，越食越出鮑魚味，跟住來個海膽柸，滿滿的海膽和三文魚子。爆多的海膽極度鮮甜，加上三文魚子入口卜卜脆，咸咸香香的味道，和甜蝦一齊食，好好味，只要食材新鮮就可以留住我個胃日本密瓜，一食入口，非常多汁，而甜味非常，今餐好滿足

尖沙咀嘅亞士厘道就出名多嘢食，今日揀咗呢間omakase，師傅有30年經驗所以質素都有返咁上下一星期前已經揾定呢間日本料理，因為好想食廚師發板，所以就上網望吓有啲咩選擇最終book咗今日過嚟食我6:30未夠已經到咗入到去，沒有客人，但到七點已經坐滿晒，所以記得book枱先好過嚟，呢間店舖果然冇令我失望地方非常寬敞，燈光又夠光猛，廚師係日本人一踏入門口就不停講日文雖然我唔識聽但係感覺到佢非常友善每個座位都有紙巾同搓手液，可以消毒我們的雙手，非常細心，開放式設計面前就係今日負責我哋菜單嘅料理師，好有禮貌打咗招呼就開始上菜一坐低就有個前菜，上面有胡麻嘅醬汁非常惹味，望落去平平無奇，入面有八爪魚仔，非常好食第一道就係茶碗蒸，入面有瑤柱同菇類非常滑嘅蛋做到非常滑嫩鮮甜吞拿魚拖羅界咗筋肉之後真係入口即溶，好林好香好正一食就知選用最高級嘅食材，食材用料上乘有好幾款比較罕見嘅魚類刺身全部都好好食師傅好着重刺身嘅鮮味唔會太加太多醬料原汁原味，深海池魚，用火槍燒完之後啲魚油出晒嚟香味十足安康魚肝, 含有豐富嘅膠原蛋白魚肝味道一啲都唔腥，配合一個酸酸地嘅醬汁，入口即刻溶化鮮味十足，味道有點像鵝肝但味道比鵝肝

我都中伏咗，第一次有衝動去寫食評🤔Book 咗唔想改，諗住一試，價錢唔平🤑，唔好比個折扣吸引到去試.一如其他人一樣講唔新鮮，唔值！不論佢是否扮日本人，又或者佢好鍾意講日文！介紹啲食物嘅時候，真係唔知佢講嘜，我相信佢應該識聽廣東話，然後佢又講返歪歪地音嘅廣東話！我主要都係想食靚嘢，食過幾間都識分別邊啲係靚魚，邊啲普通魚！最唔衛生，就係塊黃色布，不停用同一盆水喺度洗，唔好比我見住呀嘛！😩🥶🤮廚師發板有好多選擇，差不多價錢可以去其他，有保證啲囉！收完錢再WhatsApp我話收錯咗，自己改番，我都唔知佢想點😥

嗌咗最貴個lunch set九百幾多咗刺身食但望落唔太新鮮 池魚仲要有骨可以慳返壽司味道個人覺得麻麻地有啲魚會腥另外左口魚配帶子呢個配搭個人覺得有啲怪 味道又唔係好夾寧願單食好過不過茶碗蒸好清 幾好食同埋個魚湯十級濃 師傅話煲咗1.5鐘 但我覺得太濃 有啲漏最後個豆腐雪糕好食 好香豆腐味 可以解膩不過師傅係日本人 都幾似去咗日本咁 要用英文/日文講嘢 都有日本感覺嘅總括而言 lunch呢個價位呢個質素我覺得不太值 如果想食食最平個set就可以