Video
Read full review
2008-07-01
6 views
今日係一個幸運既日子, 首先係好彩咁比"Openrice"抽中出席今日呢個"江川壽司賞味大會", 而咁好彩既事又點會得我一個呢...飲食兵團720都有份呀, 咁我地今日就大家都有個伴可以一齊食餐勁既..... 試食會係一點半多先開始, 贊助菜式如下: 香芒蟹籽沙律 - 應該係用蘋果芒而唔係普通呂宋芒, 因為好夠甜...至於蟹籽沙律, 我個人應為麻麻, 因為比較乾身, 好少沙律醬唔夠味, 只食到青瓜絲既味道, 好寡...三文魚刺身 - 一D都唔新鮮, 仲有一陣怪味, 師傅話應用係供應商出問題, 但佢地身為師傅, 點解唔係有試過先比客人食咩??江川刺身盛(什錦刺身併盤) - 整係嚟講都係麻麻地, 因都有少少怪味, 但無咁大, 而且個海膽幾鮮甜, 爭番少少分原板海膽 (可自製海膽壽司) - 海膽的確係鮮甜, 就咁食或自己整成壽司都好好味江川金龍卷 - 呢個都唔錯, 牛油果既香加埋芒果甜, 都幾夾, 但反而個蝦味突出唔到, 但食到爽口彈牙左口魚刺身 - 呢個我一D都唔欣賞, 魚既味好淡好淡, 好似無味咁, 就算點埋醬油都食唔出有咩鮮味特大帶子壽司 - 我本身唔好帶子, 但一場嚟到見到咁大粒帶子
試食會係一點半多先開始, 贊助菜式如下:
香芒蟹籽沙律 - 應該係用蘋果芒而唔係普通呂宋芒, 因為好夠甜...至於蟹籽沙律, 我個人應為麻麻, 因為比較乾身, 好少沙律醬唔夠味, 只食到青瓜絲既味道, 好寡...
三文魚刺身 - 一D都唔新鮮, 仲有一陣怪味, 師傅話應用係供應商出問題, 但佢地身為師傅, 點解唔係有試過先比客人食咩??
江川刺身盛(什錦刺身併盤) - 整係嚟講都係麻麻地, 因都有少少怪味, 但無咁大, 而且個海膽幾鮮甜, 爭番少少分
原板海膽 (可自製海膽壽司) - 海膽的確係鮮甜, 就咁食或自己整成壽司都好好味
江川金龍卷 - 呢個都唔錯, 牛油果既香加埋芒果甜, 都幾夾, 但反而個蝦味突出唔到, 但食到爽口彈牙
左口魚刺身 - 呢個我一D都唔欣賞, 魚既味好淡好淡, 好似無味咁, 就算點埋醬油都食唔出有咩鮮味
特大帶子壽司 - 我本身唔好帶子, 但一場嚟到見到咁大粒帶子, 真係忍唔到要食...算係鮮甜有口感, 而且無左平時好怕果陣腥味...正
5A和牛壽司 - 原本係好大寄望, 但食落無咩味道....又或者我之前無食過和牛, 根本唔知點比較
塩燒牡丹蝦 - 好香好香, 又有蝦膏既鮮味都幾好, 只嫌太油
江川味上之吞拿魚壽司 - 比較鮮紅色既吞拿魚, 上面放左D蔥, 側面有燒過既痕跡, 但入口感覺一般, 此終鮮味欠缺
吞拿魚腩壽司 - 呢個係我覺得除左海膽之外最鮮最好味既, 入口有鮮味(雖然第一啖咬落去有根, 但之後成件放入口既感覺完全唔同晒)而且有溶化既感覺.....好味道~~
金箔火炙鵝肝 - 見到真係流晒口水, 但我件燒得比較生, 而且有根, 只係食左少少, 但應該都係好好味既, 因為見到其他人都食得好滿足
日式甜薯 - 切到細細粒沾滿蜜糖上, 食落唔會好滯, 而佢有個特製既桂花醬, 好有特式
日式雪糕(紅豆/綠茶) - 好好味, 唔知邊到有得買呢???
整個試食既菜式好豐富而且食得好包....但整體嚟講質素差痴, 食物既PRESENTATION睇到係有心思, 但總係覺得唔夠新鮮, 由其係刺身, 同埋佢地好似未有為自己定好位, 定好方向, 餐廳既格局比我感覺似走中底價路線, 但佢既菜式又偏中高檔次, 希望佢地可以繼續努力同改善
再一次多謝Openrice今次既邀請
Post