Video
Read full review
2008-02-24
22 views
本來去開尖沙咀食飯，如女友想食小菜都會去妹記，但聽朋友讚好食又抵食，亦講到平時排長龍嘅銅鑼灣住家菜，原來響尖東都有，未食過，所以便去試試。去到九點左右，無乜人，連位都唔使等。同女友兩個人不算食得太多，叫了一個鮑魚雞粒竹筒飯，梅菜蒸肉餅同埋欖菜肉鬆四季豆，我自己再要多一碗例湯。先來例湯，係赤小豆粉葛煲豬𦟌，同佢地所標榜一樣不含味精，一小碗十五蚊都可同女友共享，唔錯！四季豆比較油咗少少，但送飯一流，算係小弟最愛；梅菜蒸肉餅不會蒸得太乾，略嫌薄咗啲，同埋如果多少少豉油就好喇！至於竹筒飯都幾好味，啲雞肉幾大粒，而且有飯香。飯後侍應送上兩碗五花茶，清清地不太甜，比涼茶舖嘅五花茶，佢無咁濃藥材味。總括來講環境企理，食物又唔錯，確係一個幾理想嘅飯局好地方，尤其適合兩口子去食，若然一大班麻甩佬又恐怕細碟得滯，會去番妹記。不過順帶一提，門口係有個牌寫上是日晚餐，最好坐低後再問問侍應，因為佢地只會遞上散叫餐牌，又唔會提你有晚餐。最後到離開時女友同我講：「咦！點解唔記得叫晚餐？抵好多喎！」
去到九點左右，無乜人，連位都唔使等。同女友兩個人不算食得太多，叫了一個鮑魚雞粒竹筒飯，梅菜蒸肉餅同埋欖菜肉鬆四季豆，我自己再要多一碗例湯。
先來例湯，係赤小豆粉葛煲豬𦟌，同佢地所標榜一樣不含味精，一小碗十五蚊都可同女友共享，唔錯！四季豆比較油咗少少，但送飯一流，算係小弟最愛；梅菜蒸肉餅不會蒸得太乾，略嫌薄咗啲，同埋如果多少少豉油就好喇！至於竹筒飯都幾好味，啲雞肉幾大粒，而且有飯香。飯後侍應送上兩碗五花茶，清清地不太甜，比涼茶舖嘅五花茶，佢無咁濃藥材味。
總括來講環境企理，食物又唔錯，確係一個幾理想嘅飯局好地方，尤其適合兩口子去食，若然一大班麻甩佬又恐怕細碟得滯，會去番妹記。
不過順帶一提，門口係有個牌寫上是日晚餐，最好坐低後再問問侍應，因為佢地只會遞上散叫餐牌，又唔會提你有晚餐。最後到離開時女友同我講：「咦！點解唔記得叫晚餐？抵好多喎！」
Post