三原 (Moved) New Location

月頭喺外地返嚟, 所以好多飯局, 網上睇到好多留言話ok, d相又幾靚, 心諗都應該唔會太差, 咪同朋友試下, 環境都幾舒服, 但有d迫, 唔太多位。鐵板燒野食都幾新鮮👍。第一次食鐵板燒係食鵝肝先, 以為會有🧐, 點知真係有😨! 成餐飯變到冇晒味覺😩, 龍蝦, 鮑魚, 魚, 完全冇味😭, 因為已經成口油!!!食野唔係應該由淡食到濃, 點解會變成咁🙄? 唔知點解睇人哋d相, d野食好似有d唔同, 我哋食就變晒樣, 龍蝦冇頭冇尾, 有d失望!!! 煮鮑魚個廚師問我哋要唔要個內臟, 到食牛至俾我哋, 又分開搵隻碟仔上, 好怪! 冇樣野食可以影得😅!另外唔知點解全餐飯我哋都認為好唔衛生😒! 鐵板師喺我面前用手拎食物, 一d衛生常識都冇, 都仲叫係疫情, 冇工具都有手套, 咩嘢都用手拎, 好污糟!其實可以再嚟食, 希望下次再嚟會有改進, 但首先真係要培訓下d鐵板師嘅衛生常識😏