Video
Read full review
2005-01-01
32 views
長年在大陸工作的老友放假回港，梗係要聚下舊啦！其中一位女友係呢度的熟客仔，於是決定黎一試。似乎近年都幾多私房菜開在灣仔，這裡位處灣仔大街市口，同一座大廈已有三個私房菜館呢！據女友講，老闆Yves係一個法國通，難怪裝修滿有歐洲傳統風味，深木色的裝修配上很多很多的各類擺設同奇多的絲花，同歐洲小鎮的家庭式餐館很相似。單位不是很大，檯與檯之間用布廉分開，都算有少少privacy，不過都幾應聲的。侍應生都幫廚都係一些後生仔女，個個都好有禮貌，不過作侍應卻係生疏左D，上菜、開酒、收碟都做唔到應有的禮儀，其中一位重在收盤時打瀉野，今兩位女友的白色外套同手袋沾上深色醬汁‧‧‧由於係食法國菜，所以一早便要選定五個course各自食咩，但臨場去到仍然可以改動的。呢度serve的法包好硬，唔新鮮，要扣分。塗麵包的除牛油外，重有肉肝醬同沙律蝦醬，味道還可以。當日我選左三文魚tartar作前菜，味道都唔錯，不過裝盤就冇法國菜應有的美觀，呢一點就遜色了。湯我要了南瓜湯，味道清甜而帶點蝦味，唔錯。冷盤係海鮮盤，說穿了不過係白烚海鮮凍上。個人認為食海鮮幾時都係中式或日式食法最好味。材料有蝦五隻、帶子一隻、花蟹一隻，味
由於係食法國菜，所以一早便要選定五個course各自食咩，但臨場去到仍然可以改動的。呢度serve的法包好硬，唔新鮮，要扣分。塗麵包的除牛油外，重有肉肝醬同沙律蝦醬，味道還可以。當日我選左三文魚tartar作前菜，味道都唔錯，不過裝盤就冇法國菜應有的美觀，呢一點就遜色了。湯我要了南瓜湯，味道清甜而帶點蝦味，唔錯。冷盤係海鮮盤，說穿了不過係白烚海鮮凍上。個人認為食海鮮幾時都係中式或日式食法最好味。材料有蝦五隻、帶子一隻、花蟹一隻，味道OK啦，唔算係好鮮甜，反而係佐食的幾個醬汁都好好味。主菜我要左鴨胸，上碟的擺放都幾醜怪，切薄片的鴨胸求其地以八字疊八字的形式橫排在碟上，佐紅梅醬同啡色的肉汁醬。鴨胸肉外皮微焦，都幾香口，可惜煮得太熟，食落都幾「鞋」。伴碟我要左焗脆薯，咁薯仔又好難整得難食的。甜品係車厘子焗軟批，有少少似soufle但唔係脹起的，味道都唔錯，可惜唔係用新鮮車厘子。House wine 方面選擇唔多，最貴果支只係170元，又幾平，味道亦可以。
整體黎講呢度的水準係普通，各方面都重有改善的空間。但以價錢計就都OK咁啦。
Post