定食8 (Closed)

上次食完佢嘅外賣之後心思思又想再試吓其他菜式，趁今日lunch過嚟食下佢嘅午市先，今日帶咗個牛肉烏冬，呢個烏冬真係唔錯，牛肉份量都幾多，配菜都OK足夠，湯底正常但係都應該係味精湯底嚟嘅，但係佢嘅價錢10分親民，只係$55，用學生證嘅話仲會送餃子或者特飲！不過佢嘅餃子就係10分硬，應該係就咁用微波爐叮翻出嚟嘅，而佢嘅特飲呢我就叫咗青蘋果特飲，佢係十分之甜，係用糖水沖出嚟嘅青蘋果沖劑之類嘅飲品。。。總括嚟講以午市來講呢都係OK嘅，不過都係果句啦員工嘅態度係有待改善！