僕之拉麺 (Moved) New Location

今日行過見到呢間僕之拉麵門面普普通通，但環境乾淨整潔，就試下啦，估唔到竟然有驚喜啊!其他拉麵店通常都會有好幾款拉麵選擇，但呢間拉麵就只有二款，一款是醬油湯拉麵，另一款是豬骨濃湯拉麵。我同朋友一人叫左一款，可以2款湯底都試齊晒，基本配料有蔥、叉燒、筍、木耳。拉麵好彈牙，木耳好爽口，叉燒又唔會太乾。豬骨湯湯底好濃郁。感受到拉麵師傅對拉麵既熱誠同用心製作。另外仲有我好鐘意食既芝麻雞翼，炸得剛剛好，外皮好鬆脆，不可不試。