Video
Read full review
2022-10-23
969 views
《十三姨酸菜魚 - 新蒲崗》香港真係越來越多食酸菜魚嘅地方，行過每一區都總有一間喺左近🤔上個禮拜我同個朋友去咗新蒲崗嗰邊買嘢順便食埋晚飯，喺Mikiki 入面就有好多唔同類型既餐廳，我地就係簡左一間食川菜嘅餐廳，個名擺明車馬就係食酸菜魚㗎喇🤣所以我哋都唔使諗咁多，一於食酸菜魚啦😋除此之外，我哋仲叫咗兩款小食同埋一個甜品💁🏻♀️招牌十三姨酸菜魚配水晶粉(2-3人份) $188基本上一份酸菜魚已經可以比兩個人當一餐咁食🐟魚肉嘅份量好多，我哋兩個不停食不停食都仲係食唔完啲魚肉，調味好充足，每塊魚肉都有滿滿嘅酸菜味，而且質地好滑，so far我都食唔到有魚骨，啱晒想食魚，但係又唔鍾意有骨頭嘅人😎入面嘅酸菜味道都唔錯，唔會太過酸搶咗魚肉嘅味道，而我最鍾意嘅係底下嘅水晶粉同埋芽菜，佢嘅水晶粉其實即係寬粉，煙煙韌韌好彈牙，我哋另外再加左$18叫咗份蓮藕，啲蓮藕吸晒湯都幾好味😋💁🏻♀️手拍青瓜 $32作為前菜嘅手拍青瓜有開胃嘅作用，青瓜嘅大細適中，一啖一粒都幾過癮🤓不過如果個調味再調酸少少就更好啦🤓青瓜都幾爽脆，口感唔錯💁🏻♀️十三姨秘製雞翼 $24佢嘅秘製雞翼其實在於個醃料同埋調味粉，我哋叫咗一份細
香港真係越來越多食酸菜魚嘅地方，行過每一區都總有一間喺左近🤔上個禮拜我同個朋友去咗新蒲崗嗰邊買嘢順便食埋晚飯，喺Mikiki 入面就有好多唔同類型既餐廳，我地就係簡左一間食川菜嘅餐廳，個名擺明車馬就係食酸菜魚㗎喇🤣所以我哋都唔使諗咁多，一於食酸菜魚啦😋除此之外，我哋仲叫咗兩款小食同埋一個甜品
💁🏻♀️招牌十三姨酸菜魚配水晶粉(2-3人份) $188
基本上一份酸菜魚已經可以比兩個人當一餐咁食🐟魚肉嘅份量好多，我哋兩個不停食不停食都仲係食唔完啲魚肉，調味好充足，每塊魚肉都有滿滿嘅酸菜味，而且質地好滑，so far我都食唔到有魚骨，啱晒想食魚，但係又唔鍾意有骨頭嘅人😎入面嘅酸菜味道都唔錯，唔會太過酸搶咗魚肉嘅味道，而我最鍾意嘅係底下嘅水晶粉同埋芽菜，佢嘅水晶粉其實即係寬粉，煙煙韌韌好彈牙，我哋另外再加左$18叫咗份蓮藕，啲蓮藕吸晒湯都幾好味😋
💁🏻♀️手拍青瓜 $32
作為前菜嘅手拍青瓜有開胃嘅作用，青瓜嘅大細適中，一啖一粒都幾過癮🤓不過如果個調味再調酸少少就更好啦🤓青瓜都幾爽脆，口感唔錯
💁🏻♀️十三姨秘製雞翼 $24
佢嘅秘製雞翼其實在於個醃料同埋調味粉，我哋叫咗一份細嘅雞翼，一客三件😂其實唔係好夠兩個人分，不過我個朋友比較鍾意食雞翼，所以就讓比佢啦😉雞翼外皮都幾脆，點少少乾碟粉會好滋味，其實佢仲有大分比食客選擇，不過我哋主要係想食酸菜魚多，小食就少吃多滋味啦💁🏻♀️紅糖糍粑 $48
基本上每次食川菜我都會叫一份紅糖糍粑，我個人好鍾意食一啲煙煙韌韌嘅食物，紅糖糍粑就即係長條型嘅糯米糍炸脆左後再點紅糖👍🏻呢度一客有6件，作為甜品好滿足
呢一餐飯食得都好飽，但係價錢一啲都唔貴，兩個人夾埋食咗$310左右，平時喺出邊食酸菜魚淨係一碟都二百幾三百啦，價錢算係實惠，而且味道都唔錯😉係一間性價比高而且可以再翻兜嘅川菜館
Post
