一喜‧燒肉

Open Now

Now Closed

今日終於試到呢間嘅燒肉邊爐放題，之前星期六日經過都唔少人喺門口等位，今日平日早咗收工，所以就同另一半一齊去試吓，門口好似冇乜人，入到去原來坐滿大半間餐廳🙈🤣餐廳裝修新淨，抽風系統好，食完個身唔會有油煙味，今日試咗樂放題果個餐，大部份食物都係QR code落單，食物都好快送上枱，亦冇漏單嘅情況，有少部份食物係自助既，例如打邊爐嘅蔬菜，餐前小食，部分炸物，關東煮，蛋糕，雪糕雪條，同埋飲品等等飲品嘅款式都好多，一般嘅汽水同韓式汽水，無糖茶都會有，呢度仲有百事生可樂由於本人好鬼肚餓，等唔切打邊爐同燒肉，即時叫咗三文魚刺身同炸魷魚鬚，榴槤波波嚟食，三文魚嘅油脂唔算豐富，但都幾香三文魚味，而魷魚鬚同榴槤波波都係啱啱炸起，所以食落口都熱辣辣脆卜卜好好味壽喜燒邊爐壽喜燒邊爐好快就上枱，仲配咗兩盤金標和牛，牛肉嘅油脂唔算好多，食落口都重肉味同幾軟腍，幾好味😋😋燒肉燒肉亦好快上枱，叫咗好多野食，例如有牛仔骨，牛舌，牛板腱，封門柳，牛油生蠔帶子，蜆，大蝦，豬腩肉，雞腎等等，首先要讚一讚呢度嘅爐，火力好猛，好快就燒熟啲食物燒肉嚟講，我最鍾意食牛仔骨，牛舌同封門柳，牛仔骨燒到好香，貼骨位嘅肉特別香口😍😍而牛舌就