茶狼 (Closed)

成日見到有茶狼呢間店舖，今次終於有機會入去買返杯試下了！一見個餐牌，咦點解啲飲品又係主打水果茶、奶蓋茶、同珍珠奶茶嘅。同好多其他同類型嘅飲料店都係賣非常相類同嘅飲品。既然之前試過喜茶，咁不如今次都叫返隻水果沙冰X芝士奶蓋做個比較先！今次點咗隻叫藍莓士多茉莉奶蓋茶，即係藍莓混士多啤梨再用茉莉花茶做個底打成沙冰，然後係面加層芝士奶蓋。一飲都有好多果肉，個芝士奶蓋都幾香，雖然啲味唔及喜茶嘅濃，但都唔錯，感覺好似無咁滯！建議下次飲時有得揀都揀少啲冰。少啲冰感覺飲嘅時候可以飲到多啲果汁同果肉，岩返我個人口味！