Video
Read full review
2021-10-31
1745 views
有時星期六日淨係想搵一個舒舒服服嘅地方Hea一個晏晝，今日約咗個鍾意貓咪🐱嘅朋友嚟到工業大廈嘅cafe文青style木系裝修，牆上好簡單掛上咗幾幅貓咪嘅畫，有一棵粉紅色嘅櫻花樹，室外嘅陽光☀️照入嚟，感覺非常舒服，所有餐具都用上貓咪嘅設計，又靚又可愛我哋點左兩樣咸食、一個甜品、兩杯嘢飲，價錢中上，不過如果計埋環境，同埋可以Hea成個晏晝，又有貓咪陪你玩，咁就抵返晒啦*雙重辣肉腸薄餅 $118*我哋其實係見到隔離枱嘅Pizza好吸引，忍唔住就叫咗。經典嘅番茄醬汁底，鋪滿嘅芝士，加埋鹹香嘅辣肉腸👍🏻*招牌蕃茄牛肋骨意粉🍝 $93*呢個蕃茄牛肋骨意粉個味道幾好，唔係就咁簡單嘅茄汁意粉，食落有啲似蕃茄湯嘅濃縮版，朋友就嫌意粉太淋，但係我反而鍾意呢個港式意粉嘅口感🤣*蘋果撻 $58*呢個甜品最有驚喜！批底非常酥脆，酸酸甜甜嘅蘋果有肉桂嘅香味，連本身食飽咗嘅朋友都爭住食，我地最推薦呢一個Cafe上菜比較慢，不過都唔緊要🤣因為有幾隻貓咪陪你玩住等，佢哋全部都好活潑，好乾淨，隻隻都好有精神。店員嘅服務態度又好好，如果下次諗唔到地方去，我都會選擇再上嚟呢度探貓咪
文青style木系裝修，牆上好簡單掛上咗幾幅貓咪嘅畫，有一棵粉紅色嘅櫻花樹，室外嘅陽光☀️照入嚟，感覺非常舒服，所有餐具都用上貓咪嘅設計，又靚又可愛
我哋點左兩樣咸食、一個甜品、兩杯嘢飲，價錢中上，不過如果計埋環境，同埋可以Hea成個晏晝，又有貓咪陪你玩，咁就抵返晒啦
*雙重辣肉腸薄餅 $118*
我哋其實係見到隔離枱嘅Pizza好吸引，忍唔住就叫咗。經典嘅番茄醬汁底，鋪滿嘅芝士，加埋鹹香嘅辣肉腸👍🏻
*招牌蕃茄牛肋骨意粉🍝 $93*
呢個蕃茄牛肋骨意粉個味道幾好，唔係就咁簡單嘅茄汁意粉，食落有啲似蕃茄湯嘅濃縮版，朋友就嫌意粉太淋，但係我反而鍾意呢個港式意粉嘅口感🤣
*蘋果撻 $58*
呢個甜品最有驚喜！批底非常酥脆，酸酸甜甜嘅蘋果有肉桂嘅香味，連本身食飽咗嘅朋友都爭住食，我地最推薦呢一個
Cafe上菜比較慢，不過都唔緊要🤣因為有幾隻貓咪陪你玩住等，佢哋全部都好活潑，好乾淨，隻隻都好有精神。店員嘅服務態度又好好，如果下次諗唔到地方去，我都會選擇再上嚟呢度探貓咪
Post
