반찬앤쿡 Banchan and Cook (屯門市廣場1期)

Open Now

Now Closed

一入到去有d卡位，亦有d對走廊既位，都算坐得舒服。一坐低就有d醃蘿蔔同瓜小食係枱面，味道酸酸地同韓國個d酸蘿蔔味差唔多。青口海鮮炒年糕 $108個炒年糕醬係龍蝦湯味，甜甜，鮮鮮既味，不過不失。海鮮就有青口、帶子同蝦。海鮮有d雪藏味，但唔算煮得太老，唔會太靭。年糕既靭道都適中。明太子慢煮雞肉蛋包飯 $112明太子醬適中唔會太鹹，淋係蛋上面令蛋加添左d味道，飯係有紅蘿蔔、番茄醬、瓜炒既飯，甜甜酸酸唔會膩。另外，雞肉比想像中仲嫩d，之前仲驚佢會太硬、太鞋。士多啤梨鮮奶咖啡 $48士多啤梨係有d假既甜味，冇咩咖啡味，鮮奶味都重，唔太推薦。焦糖脆脆鮮奶咖啡 $48焦糖幾香，又真係脆脆地，都係咖啡味冇咩。總結就係可以唔駛再黎🙃。