Cabin Crew Coffee by Holly Brown (Closed)

第二次嚟食，趁朝早無乜人，唔使排隊都有得坐機艙窗口位。無得飛果陣嚟打下卡止下癮，真係幾特別嘅。環境都乾淨同企理。食物質素還可以啦碗餐湯可以再少啲…..個包夠熱，都鬆軟。大蝦🍤意大利粉唔錯，雖然隻蝦唔夠大，但鷹師好細心挑左啲蝦腸，而且意大利粉軟硬適中，辣辣地，味道唔錯。服務有待改善。已經唔使嘟針卡，但個侍應完全唔知，照話要掃針卡，同佢講返，佢先知。坐底未睇完個餐牌就企埋嚟問食咩，唔知以為自己去左茶記。加一之後$168，打下卡都可以嘅。