花見月 (Closed)

第一次嚟科學園，就食呢一間。好似係唯一一間食日本嘢。先講味道，其實就一般般，唔好諗住會好有驚喜或者好好食，而份量嚟講都夠食。杯嘢飲就細左dd，但幾好飲嘅。咁當然，呢度嘅環境搭夠，全部落地玻璃，食個午餐或下午茶都唔錯。遠遠望出去，一個優閒嘅下午就咁渡過。除左環境外，服務態度幾好，大家都好有禮貌，上菜速度都幾快，如果係心急食嘢嘅人都無問題。總括嚟講都不過不失，如果咁岩嚟科學園又想坐低食下嘢，都係一個唔錯嘅選擇。