日常素食 (Closed)

今次去喺黃大仙北館商場入邊嘅一間素食店，採取嘅模式，係比較少有嘅中式素食放題，市面上一般嘅中式素食店都係散叫模式，款式種類亦唔多，但係依一間素食店，不單止種類多，食物質素亦非常高，價錢亦合理，大大推薦比各個年齡層嘅人去嘗試，尤其是年輕人，我相信會好容易接受得到。餐廳嘅食物數之不盡，例如有：茄子煲，咕嚕肉，炸魚塊，蘿蔔糕，上海粗炒，炒四季豆，椒鹽豆腐，冷盤，沙律吧，等等等等…..每一樣都做得好出色，因為事實上，煮素食嘅技巧甚至比肉食更加高，因為希望可以用純素盡量呈現到肉食嘅味道，當中嘅步驟亦非一般餐廳可以做得到，所以今次極力推薦大家去試一試，我認為係比較小眾但係又好值得保留嘅一間餐廳。我推介個糕點同豆腐雪糕，食唔停口。題外話，食完仲可以去隔離黃大仙廟參拜，有少少本地遊嘅感覺添。