Aurora Fusion Restaurant (Closed)

下午五點幾想飲杯啤酒，經過呢間望落新開嘅餐廳，吸引我的係Suntory premium 啤酒，於是坐低叫咗嘆下。滿心歡喜迎來呢杯大啤，其實有少少失望，啲泡比想像中多咗少少，另外隻杯唔凍，然后太厚太重，揸上手比較似阿加力膠，呢啲好似好挑剔，但其實真係影響到飲啤酒的心情。因為廚房無開，所以無嘢食，連nuts都無，齋飲啤好悶，不過要讚的係侍應姐姐服務好好，送我一碟菜沙律嚼下，真心like。最後，睇評語發現係黃店，坦白講，對於食客，最緊要好食，對於我呢啲蟻民，最緊要搵到食，何必下下講政治，做人呢，最緊要開心，希望香港唔好繼續撕裂。