二鍋頭 (好運中心)

Open Now

Now Closed

當年老婆有間舖頭喺好運中心賣時裝，轉眼都十年，今日同佢行街，成個商場都煥然一新，比起以前係新穎咗同光猛咗！行行吓見到有間二鍋頭，其實想試好耐，原來沙田都有分店，一於入去試吓先！坐低睇到餐牌就俾佢吸引住，二百幾蚊食到五種口味嘅煲，真係好啱我呢D想食唔同味道嘅為食鬼！酸菜魚係我至愛，近年香港都好多間，有D整得好酸，有D就好辣，呢度味道算適中，啱大家食嘅；火焰牛尾煲真係好啱打卡，唔只好睇仲好好食又夠腍；惹味雞煲就斬得較為細舊，食落唔使咁麻煩，味道ok；最正有埋羊腩煲，出面一煲都二百幾啦，呢度可以食埋，而且唔騷又夠腍又入味，好啱鍾意食羊嘅人；最後一定推薦呢個黑椒豬手煲，食到要encore兩次，你地試過之後一定同意，哈哈！食完五種煲仲覺得肚餓嘅仲可以打邊爐，有好多配料選擇，仲有飲品雪糕任飲任食，我就真係唔得喇，飽到捧住個肚腩走！