丼造

Open Now

Now Closed

今晚放工屋企無飯食，搵左同事一齊去呢間丼造食下野，傾下計。🍣🍣呢度可以跟佢餐牌咁叫丼，又可以自選。我地今次各叫一個。係餐牌我地揀左拖羅蓉海膽丼。自選我地就壽司飯，三文魚，三文魚腩，三文魚籽。🐟呢度既丼係一個set,會先上個沙律，仲有一杯茶。茶係佢會斟俾我地，就快飲完，佢都會好主動黎幫我地斟。估唔到細細間店有咁既服務。呢度雖然細細地，但坐得唔逼，而且仲幾乾淨。因為唔逼，我地都好傾到計。啲野食都幾新鮮，海膽唔會腥，都有啲甜，三文魚籽粒粒都脹卜卜，三文魚同三文魚腩都好大塊，好厚切，仲有塊玉子蛋，印住佢哋店名丼造，印得好靚。整體黎講呢間都唔錯，價錢都算合理。