粗店燒烤

Open Now

Now Closed

同朋友係旺角行完街，行過豉油街見到呢間餐廳做梗promotion 7-10pm 有88折，睇外面個餐牌價錢又唔貴，就入去試下。一坐低，店員就會問對花生有冇敏感，然後就會俾兩種調味粉我哋去點。紐西蘭牛肋眼28/2串幾重牛味🫢🫢五花肉$28/2串肥瘦均勻，油脂係個口到感受到爆香。烤雞翼$22一串共有兩隻，燒得好香口。生烤白鰻魚$34呢個個皮燒到好脆，真正皮脆肉嫩，必食🤤🤤原隻魷魚王$34唔會燒到好乾，調味做得好好，好香，仲有少少辣。土豆片$14共有三片，好爽口。蒜蓉烤茄子$38超多蒜蓉，好香蒜蓉味，茄子入面保留到好濕潤又好Juicy😍😍粗店烤粟米$32上枱熱辣辣😉😉鐵鍋煮卜卜蜆$68有個爐熱住，保留到溫度，蜆同粉絲都好多，蜆大大粒。😊粗烤小飯糰$28飯團上面仲有美乃滋同肉鬆，味道幾夾。黑白糍粑$45黑白嘅意思就係朱古力醬加煉奶，呢個配搭一定冇得輸。🫢🫢呢度抽風做得好好，食緊同食完都唔會覺得個身有味，冷氣又足夠，食晚飯宵夜的好選擇。食左咁多嘢加枝可樂同啤酒先係$400，好抵食。