大都淮揚中菜 (Closed)

就係呢張海報，吸引咗我去揾間餐廳。 話就話喺會展廣場，原來要喺酒店入口附近部上。 裝修好有特色，有啲新派古典feel。餐具擺設亦有心思。 套餐冇海報棵花食，不過有另一功夫點心: 天鵝造型蘿蔔絲酥餅! 蘿蔔絲酥餅屬正常水準，外皮酥脆唔油膩，裏面蘿蔔絲味道不俗但略嫌未夠絲絲分明。天鵝頸略硬，想食要花啲牙力，但唔硬唔夠挺又唔靚嘛。能夠將一件蘿蔔絲酥餅變成一件食得嘅藝術品已經係加晒分嘅賞心樂事，食物質素合格已經夠有突。套餐其他食物就算唔係藝術品亦冇交行貨，絕對係合格以上水準，只係部份套餐內食物未能供應令人意外，乜套餐嘅食物唔係應該最齊咩… 服務簡直係貼身，幾乎人釘人咁滯，不過當日客人唔算多… 睇網頁至知呢度原來係鴻星旗下，比一般鴻星得個樣靚更勝一籌，睇嚟鴻星想靠呢度攞口碑甚至星星了…