ATUM Desserant (Closed)

今日係同豬豬男友既紀念日 梗係要同佢食一餐好難忘架啦 上網見到呢間餐廳既甜品既有得睇又有得食 所以就揀左呢間啦𨋢門一口開覺得好似去左另一個世界咁 因為成間餐廳都好開揚 陽光好充足 好舒服我地坐左係bar枱位 背向落地玻璃 一擰轉頭就見到一個好寧靜既銅鑼灣 因為太多人啦 呢一個view就見唔到平時勁多人既一面 感覺好relax呢杯係佢地既welcome drink士多啤梨汁 目的係想我地清一清個口 等一陣可以食真d甜品既味道呢個甜品畫係係膠片上面畫嘅 有黑白灰三隻色既膠片可以揀 我地揀左灰色侍應首先會喺膠片度用唔同色嘅‘顏料’黎畫左d線條先 不過其實呢d顏料係唔同味道既醬深啡色就係朱古力 白色係椰漿 黃色係芒果 紫色係香芋 紅色係車厘子 底色由唔同既顏色組成 充滿左唔同味道同埋色彩之後侍應會慢慢將唔同既甜品加入去 而且佢仲會逐一介紹佢落左d咩添呀 圖中黃色一粒粒既就係柑桔jelly 雖然係jelly但係個味好濃 比平時飲既柑桔更濃綠色軟林林既係綠茶mochi 深啡色一片片既係dark chocolate 脆片 脆卜卜好特別 啡色既係甜到溜既焦糖脆脆 白色既並唔係普通cream 而係有咖