山田家 (Closed)

天氣太熱，想食壽司，而路過這店裝修又不錯，中午免加一，叫咗$148 壽司+烏冬+沙律，壽司即叫即整。我滿心期待，上碟都好靚仔，味道卻令人失望，魚生完全無鮮味，飯又唔好食，壽司最好食係加州卷。佢用平價烏冬好淋，似係街市賣$10/2包個款。明明對面就係壽司郎，點解我咁無品味入咗依間餐廳😢 佢唯一好處算係有冷氣，有熱茶提供。附近仲有一間食丼飯魚生壽司店，不過店很細午飯時間已經無位，所以無幫襯，下次會試埋。