鼎皇臭臭鍋 (Closed)

尖沙咀新開呢間台式火鍋店，鐘意佢有一人一鍋，因朋友愛食辣，但我又怕辣，最岩各自食。呢度一人一鍋，又夠份量，好多配料，一坐低先叫杯台灣盆栽奶茶 $38解下渴先，在奶茶上加了oreo 餅乾碎 ，又可飲又可食 ，同奶茶味好夾，另外一讚的是珍珠，甜甜地，好似浸左黑糖咁，好入味，而且煙韌又夠清涼。之後準備食火鍋，先調較個醬油，店員介紹啲醬都係老闆響台灣入貨到港架，真有心思。另叫了咸魚醬飯 $28 ，望落雖然一小碗，因密度勁高，都夠飽的。咸魚味濃，好有咸香味道，送飯一流，大讚。台式麻辣鍋$118朋友愛食辣，尤其台式既麻辣鍋，配料十足，有薄牛肉一條長條形，白蘿蔔，實實的豬紅，全部都索晒味。湯底越食越辣，又有陣陣既麻辣味，辣椒香味，吸收哂湯既精華。再叫多杯百香果綠茶$28，一解辣味。另一款我叫咗藥膳羊肉鍋$118，一上枱已經聞到香噴噴的藥材香味，好鐘意飲呢款當歸杞子藥材湯，連配料肉丸，腐皮，粉絲，一齊食，好滋補，羊肉又唔羶，還有幾隻蜆更鮮甜，不知不覺連餸連湯飲晒成鍋湯，真係好好飲呀。每人都係百幾蚊，相當超值。