養心殿台式養生鍋 (Closed)

「養心殿」相信好多人都有聽過，我終於第一次食啦！台式火鍋特色之一就係湯底，我揀左「養生鍋」 $188，單睇菜單上寫係精選中外食材、配以多款名貴藥材及人參，以火腿、老雞及豬肉精心肴製而成，就已經好吸引。湯底真係有好多藥材同大大條人參，仲有鴨血同蜂巢豆腐，材料非常豐富高質，感覺滋補又養生，養生粉絲唔好錯過！首先點左細份「手切牛肉」$238，肉質鮮紅色好新鮮，肉味重且厚度適中，有咬口，好食！「嘉美農場雞肉」 $108，大家都知香港一向活雞難求，呢到用既雞係不含激素既香港名牌嘉美雞，出名肉質嫩滑，脂肪較少，肉質爽口好食，食落絕對有雞香味！「萵筍」$48碧綠清脆爽口，「潮州白魚蛋」$48夠哂彈牙充滿魚鮮味。