可可店 (聯威新樓)

Open Now

Now Closed

夜晚係西環士美菲路同老友打完波，之後大家都肚餓，想食少少野醫下肚，不過時間都稍為晏左，好多鋪頭都冇得食。 咁一路行到西環尾，見到好多港大學生入去食宵既可可店。 我之前都經過同成日聽到人講，但就未認真入去食過，然後就決定試一試。入到去見到好多港大生之外，亦都見到做完運動既人係度醫肚。 睇完佢menu之後，發覺除左有糖水食之外，原來仲有各式各樣既粉麵飯，小食如煎腸粉，蘿蔔糕。 最尾我地叫左個芝麻糊同桑寄生蛋茶。芝麻糊好重芝麻味，又夠杰又香又大碗。而個桑寄生蛋茶略帶甜，藥材味唔會好重，雞蛋又滑又夠大隻。 正呀! 下次等個肚多d空間再試埋佢其他食物至得。