可可豬海南雞專門店 (寶榮大廈) (Closed)

🥡特色椰香海南雞飯（$43）：小編好鍾意呢款紙盒包裝嘅飯盒，覺得外觀文雅，同時相對上環保。打開飯盒嘅一刻已經有一股香草甜味，左邊係飯以及雞塊，右邊就係一啲蘿蔔絲。- 用嚟點雞肉嘅醬汁都真係一絕，酸甜中有少許辣味，刺激味蕾嘅同事又唔會覺得辣辛苦，讚！- 讓小編最驚喜嘅係佢嘅飯，細嚼之下居然有一股斑蘭葉嘅香味？ 越咬越香，係小編第一次知道嘅味道。真係有啲難形容，需要各位讀者親自試吓，真係好奇妙嘅味道～🍗藥膳醉雞配白飯（$53）：花雕酒味濃，雞肉滑嫩，配上香軟白飯正正好好。🥗秋葵（$22）：偏向爽脆的口感，沒有大眾一貫會想起的滑潺潺嘅口感。加上適量嘅甜豉油，相信係普遍大家都可以接受的口感和味道。小編尤其喜歡秋葵內的種籽，咬落去「卜卜」聲，有啲似咬開魚子咁，好過癮！🧆麻辣雞腎（$28）：呢個稍為雪一雪凍，變咗涼拌咁食仲正！麻有麻香，辣就少許（小編米線就食開中辣）。雪完之後，啲肉嘅口感變咗好煙靭，但筋膜位就會爽脆，呢個時候嚟一罐冰涼嘅啤酒，一絕！⚠️注意：整間舖頭嘅醬汁及餸菜做法都偏甜，即係辣中帶甜，鹹得來最後會回甜，小編個人就幾喜歡呢種做法～可可豬海南雞專門店 (北角)地址：北角炮台山麥連街1A