Hakawa Chocolate (Closed)

今日天時暑熱，真系曬到暈，夏天已經提早來臨，食完個全港最正拉麵，心情零舍不同，同事提議去飲埋呢間既朱古力就完美啦！小編都極度認同。呢度既朱古力，其實正確黎講應該叫可可，真系手做既可可整成既可可飲品或者可可朱古力（食用），食用既小編就未試過，次次黎都系飲100％濃厚可可配豆奶，O個種甘香真係香港冇其他地方揾到類似，其實可可呢種飲品唔似朱古力甘漏，佢講究既係同埋種甘苦味道，當然唔係個人都喜歡，確實係集中營銷黎，就系因為市場既SHARE唔算大所以呢就冇乜其他競爭者，有好有唔好啦，小編眼見渠都有一堆熟客，開左都一段時間，雖然店鋪好細但睇得出非常有心機經營，亦睇得出店主對可可既熱情，小編頓時覺得好幸福，可以做自己喜歡既事就算只系一間好唔顯眼既小店，但呢種滿足同幸福感連小編都感受到。先唔講話支持多d小店呢d說話先，淨系對可可ö個種執著同鍾情，絕對值得比滿分渠，確實大家如果想飲下純度高既可可，非此處莫屬。