戀上台式料理

Open Now

Now Closed

好喜歡呢間餐廳，因為係一間pet friendly嘅餐廳，自己又住附近，所以一個星期至少都去幫襯一次，而且已經做埋會員，夜晚黑食飯會免加一。但係真係唔係好頂得順佢啲凳仔，感覺好污糟，唔知點解可以坐到咁黑。店家可否換咗啲凳佢？而家買凳仔都好平，不如換咗佢啦。個個蠔仔餐最好食，次次嚟都會食佢。其他嘢都係好正常，建議可以研究吓點樣再充好啲嘢飲，因為有時唔食嘢經過都想飲杯台式飲品，但真係唔好飲。之前試過飲佢啲珍珠奶茶，啲珍珠奶茶真係淡到死，好似飲稀水咁，之後去到舖頭只會飲樽裝茶。但係其實因為呢間嘢真係好方便，係其實會keep住幫襯，真係好希望佢有改善。