Video
Read full review
2009-09-11
484 views
要返hku開工，返去前梗係要食個lunch先啦。之前特登睇下西環有咩好食，原本想去KC大佬推介係石塘咀街市既泰國菜，但唔知點解去到佢無開門，唉.... 好唔開心 >< 咁我都一場去到啦，廢事又走黎走去，咁就搵第 2 間食啦，見呢間曾記比起其他食店特別多人，所以我就坐低左啦。眼見其他顧客通常都係一大班年青人或者中年男士，個度D阿姐見到我一個女仔坐低都好似好愕然咁，佢地D眼神真係好搞笑! 想食芙蓉蛋飯，耐何佢無，我揀左好耐好耐終於決定要個雪菜肉絲炆米。我知佢一定係好大碟，我已經叫左佢炒細碟D俾我，唔駛咁多，但黎到都係成座山咁高。我知一定食唔哂，食一半都夠，真係想問下個阿姐可唔可以下次要細一半，佢收平我一半呀? 不過呢個當然係講笑啦，但份量真係超多架! (仲要係叫佢細碟左架啦)不過我覺得佢幾好食呀，D肉絲切到粗幼適中，好淋好入味，好鍾意食。佢除左雪菜仲有冬菇蔥青椒等等，個米粉唔太淋又唔太硬，真係剛剛好。成碟野都好入味，又唔油膩，我已經好努力食架啦，但真係食唔哂，無計啦，原本想包走，但因為我又好夜先返屋企，所以都係放棄左。杯咖啡唔太苦，略帶微酸，唔係好濃咖啡味，一般啦。我見到佢
眼見其他顧客通常都係一大班年青人或者中年男士，個度D阿姐見到我一個女仔坐低都好似好愕然咁，佢地D眼神真係好搞笑! 想食芙蓉蛋飯，耐何佢無，我揀左好耐好耐終於決定要個雪菜肉絲炆米。
我知佢一定係好大碟，我已經叫左佢炒細碟D俾我，唔駛咁多，但黎到都係成座山咁高。我知一定食唔哂，食一半都夠，真係想問下個阿姐可唔可以下次要細一半，佢收平我一半呀? 不過呢個當然係講笑啦，但份量真係超多架! (仲要係叫佢細碟左架啦)
不過我覺得佢幾好食呀，D肉絲切到粗幼適中，好淋好入味，好鍾意食。佢除左雪菜仲有冬菇蔥青椒等等，個米粉唔太淋又唔太硬，真係剛剛好。成碟野都好入味，又唔油膩，我已經好努力食架啦，但真係食唔哂，無計啦，原本想包走，但因為我又好夜先返屋企，所以都係放棄左。杯咖啡唔太苦，略帶微酸，唔係好濃咖啡味，一般啦。
我見到佢KEEP住有好多客人黎食野，可能收費唔貴啦，不過下次我都係叫D輕巧D份量細D既野食，廢事再咁浪費啦! 佢既份量兩個女仔SHARE一碟都絕對無問題。
Post
