Pizza Piazza (Under Renovation)

平時經過，以為外賣店，經友人介紹，知道係意大利西餐廳，今日入來試吓佢嘅午餐。單看餐牌，已經好期待，佢哋有單點餐牌，又有意粉飯嘅套餐，又有Pizza嘅套餐，價錢也很實惠，只不過70至80大元，包餐湯及飲品，再加少少錢，就有小食，例如薯條，雞翼等，有一些加大碼，特色食品，加少少錢就可以啦，種類繁多，任君選擇。最後叫咗黑松露大蝦超粗意粉， +1個蒜香巴馬臣雞翼，同埋凍鮮奶咖啡。意粉略嫌有一點硬，但感覺好像手掣意粉，口感不錯，用蒜蓉及洋蔥炒得很香，再加上黑松露，好味！另外，雞翼外脆內軟，非一般的味道，香口但係唔熱氣。至於咖啡，可能太多冰，沒有太重咖啡味。另外，朋友叫了辣肉醬自尊 pizza, 大家都好喜歡佢個餅底，不太厚，也不太薄，比較正宗嘅意大利薄餅口感，雖然係辣肉醬，辣得來能夠帶出其他配料嘅味道，香港少有的薄餅味道。至於餐廳內的裝修，有幾幅大畫作帶出西餐廳的味道，座位與座位之間有適當空間，感覺不錯。雖然店內只有一位服務員，但係服務迅速沒有怠慢，非常好，因為性價比高，會再來 !