Pancake 專門紗織 (Closed)

今次嚟到一間餐廳係全日本風🎏設計，柔和嘅燈光💡，牆身嘅招財貓裝飾，日本風嘅桌紙🎎，真係欣賞設計師嘅心思。終於等到我期待咗好耐嘅蘋果🍎金寶班戟Apple Crumble Pancake。就係為咗可愛小貓先叫呢一個班cake，佢係一隻粉紅色嘅貓咪🐈‍⬛，做緊一個伸懶腰嘅動作，屁股頂起一隻碟，上邊就係我哋嘅蘋果🍎金寶班cake啦。一入口佢嘅玉桂味好香，班戟上邊好似有幾個迷你嘅菠蘿🍍包咁，好得意，食落好鬆脆，入面係有啲蘋果蓉同埋黑加倫子🍇嘅餡，口感一流。上邊仲配搭左一個雲呢拿嘅雪糕，真係又可以打卡📸又好味嘅甜品。今次試咗呢個咁特別嘅甜品，下次要帶埋朋友👫一齊嚟試下其他先。