點點心點心專門店 (Moved) New Location

今日同媽媽去海港城果邊買野，兩個人都行到累啦，就唔想返屋企煮飯，阿媽就話想去飲茶食點心，就淋起之前雜志有介紹過嘅點點心呢間點心店，就行過去試下。呢間點心店品種都算多，脆皮鮮蝦卷，外面果層面粉炸得好脆，入邊包住滿滿嘅蝦肉，雖然炸過，但都有保留左蝦嘅鮮味，食得好蝦好新鮮。蟹籽燒賣，味道算可以，無驚喜但都算出品唔錯，算足料，上層鋪左一層蟹籽，內層包住都算多蝦肉。每次去飲茶都會點蝦餃，呢個蝦餃都算可以，皮薄餡多，蝦肉新鮮彈牙，唔錯。牛肝菌花菇包，個樣好可愛，小朋友就最中意了，食落都算幾得下，餡幾好味。流沙豬仔包，性價比比較高嘅一款點心，而且好得意，流沙做得好好食，咸甜適宜，又好食又好睇，下次要帶個小朋友過嚟，等距食得開心。