Video
Read full review
2024-10-26
179 views
之前去過大圍人氣cafe E for Egg覺得佢哋嘅蛋料理幾高質。不過個次都要排好耐隊，近期佢哋就係西營盤開咗分店，地方更闊落，位置更方便，港島人都可以過嚟食呀🤩🤩Cafe環境走日系風，空間感大，可以坐日式榻榻米座位。餐點選擇以日式fusion料理為主，好似超級邪惡又爆餡嘅厚吐司、定食、茶漬飯、小食、窩夫等，價錢合理🤑🦀金沙軟殼蟹三文魚子海鮮沙律盒子吐司（加芝士）$123舖頭招牌作🌟金沙+炸軟殼蟹+芝士+厚吐司，係極盡邪惡嘅組合😈軟殼蟹大大隻好香口。吐司好厚身，表面焗至鬆脆，內裡保持鬆軟👍🏻喜歡裡面夾有大量海鮮沙律，蛋黃醬嘅味道同吐司好夾😽🍍黃金鳳梨韓式炸雞滑蛋盒子吐司（加芝士）$103另一個組合則夠特別，鳳梨酸酸甜甜估唔到又夾到吐司😛韓式炸雞甜甜辣辣，不過雞鎚部位有骨，如果做成無骨版本就可以同吐司一齊食。喜歡裡面放有滑蛋，好香好滑😋🦐甜蝦三文魚子茶漬丼 $72想食得清淡清新一啲可以叫茶漬飯😆可以按喜好自己倒茶湯。飯上面放上不少甜蝦、飯素、雞蛋絲，幾豐富😙🍗雞翼拼盤（餃子雞翼＆芝麻雞翼）$58雞翼看似普通卻有驚喜🤩餃子雞翼脹卜卜，香脆嘅雞皮包住餃子餡，口感豐富😋🍢千島醬紫蘇雞肉丸串
🦀金沙軟殼蟹三文魚子海鮮沙律盒子吐司（加芝士）$123
舖頭招牌作🌟金沙+炸軟殼蟹+芝士+厚吐司，係極盡邪惡嘅組合😈軟殼蟹大大隻好香口。吐司好厚身，表面焗至鬆脆，內裡保持鬆軟👍🏻喜歡裡面夾有大量海鮮沙律，蛋黃醬嘅味道同吐司好夾😽
🍍黃金鳳梨韓式炸雞滑蛋盒子吐司（加芝士）$103
另一個組合則夠特別，鳳梨酸酸甜甜估唔到又夾到吐司😛韓式炸雞甜甜辣辣，不過雞鎚部位有骨，如果做成無骨版本就可以同吐司一齊食。喜歡裡面放有滑蛋，好香好滑😋
🦐甜蝦三文魚子茶漬丼 $72
想食得清淡清新一啲可以叫茶漬飯😆可以按喜好自己倒茶湯。飯上面放上不少甜蝦、飯素、雞蛋絲，幾豐富😙
🍗雞翼拼盤（餃子雞翼＆芝麻雞翼）$58
雞翼看似普通卻有驚喜🤩餃子雞翼脹卜卜，香脆嘅雞皮包住餃子餡，口感豐富😋
🍢千島醬紫蘇雞肉丸串 $58
雞肉丸都唔錯，配以千島醬幾惹味🥳
🧇E For Egg芝士奶蓋招牌窩夫 $88
甜品雖然都係carbs，但值得留肚一試🤪窩夫放上煎蛋造型忌廉同布丁，造型可愛😍窩夫口感一流，夠晒脆口😋忌廉係略帶鹹香嘅芝士奶蓋，搭配可可味嘅窩夫，意外地不太甜，幾好食👏🏻
🍵竹炭黑芝麻鮮奶 $42、抹茶鮮奶 $43
飲品都唔錯，芝麻鮮奶勁醇厚，芝麻味超濃郁天然，必點😎
推介指數（10分為滿分）：8分
Post
