VV尾線 (Closed)

北角有好多米線店，但有一間喺七姊妹道嘅小店特別可愛吸引。我中意可以自由配搭，好彩有得自選湯底，配料，同小食。小食揀咗涼拌雲耳，清新得嚟加上蒜香釣味。另一款揀咗椒鹽炸蝦棗，加點潮州特色。米線湯底個名好勁，海星螺頭鯊魚骨湯，配菜揀咗金菇，生菜，仲有車仔麵必點嘅芝士丸，墨魚丸，肥牛。呢度好特別，有花膠同蟲草花可以加落米線，非常豐富又養身，感覺似一人火鍋，冬天食到暖笠笠。飲品揀咗涷荔枝茶，荔枝味清香，中和一下熱騰騰嘅晚餐。