Seoulmate (京都廣場) (Closed)

韓式咖啡室先唔好理佢啲嘢好唔好食，賣相就一定好靚。疫情底下，好多舖頭都冇開，加上我哋到達嘅時間已經比較晏，附近嘢食嘅選擇已經唔多。既然個人抑鬱，有啲可愛嘅嘢氹番我，我個人就會開心好多。火山鰻魚櫻花蝦飯，見到佢嬲我就開心，我真係將自己嘅快樂建築喺火山飯嘅痛苦身上。烏卒卒火山外層係蛋白，入邊係鰻魚芝士炒飯，鰻魚嘅份量都好多，以蛋黃火山岩漿撈埋落去就更加正。邪惡一點，叫咗個黃金鹹蛋炸雞。我只能夠說唔知點解，即使本身舊肉普普通通，但外邊只要加上黃金鹹蛋，通常好難難食得去邊。雖然只係晚上9:00 ，但侍應都趕着叫我哋買單。都明白嘅，始終多留1分鐘在街上就多1分鐘危險。雖然忍唔住出街食飯，都要盡量保障自己同其他人嘅安全。